Vedat Muriqi: "Hər zaman mübarizə aparacağam"
İspaniyanın "Mallorka" klubunda çıxış edən Vedat Muriqi "Kadiz"lə oyunda fərqlənməyə nail olub. Strateji.az "sporx" saytına istinadən xəbər verir ki, bu Muriqinin 2 aydan sonra ilk qolu olub.
Qol "orucu"nu pozan futbolçu oyundan sonra açıqlama verib.
"İki aydan da çoxdur ki, qol vura bilmirdim. Ancaq hər zaman savaşdım və mübarizə apardım. Qollar vura bilməsəmdə meydandakə həyacanım mübarizəm bitməyəcəkdi. Əsla mübarizəni buraxmayacaqdım. Bütün məşqçilər heyətinə, futbolçu dostlarıma və azərkeşlərə mənimlə bir yerdə olduqları üçün təşəkkür edirəm. Eyni formada davam etmək istəyirəm. Qol vursam da vurmasamda mübarizə aparacağam" deyə Muriqi bildirib.
Qeyd edək ki, Muriqin bu mövsüm "Mallorka"nın heyətində 29 oyunda 6 qol və 2 məhsuldar ötürmə ilə yadda qalıb. Onu İspaniya təmsilçisi ilə müqaviləsi 2027-ci ilə qədər davam edəcək.
//Nəzərbəy Hacıağayev, Strateji.az