50 nəfərdən çox qanunsuz mühacir itkin düşdü

 İspaniya Kanar Adaları yaxınlığında qayıq batıb. Strateji.az Türkiyənin "Hürriyet" qəzetinə istinadən xəbər verir ki, qəza uğrayan qayıqda qanunsuz mühacirlər olub.

Qayıq qəzaya uğradığı zaman qayıqda 60 nəfər qanunsuz mühacir olub. Onlardan 9 nəfəri İspaniyanın sahil mühafizə xidmətnin əməkdaşları tərəfindən xilas edilib. 50 nəfər mühacirin taleyindən isə xəbər yoxdur. Mühacirlərin hansı ölkədə yola çıxdığı bilinmir.

Qeyd edək ki, bu il 1 Yanvar və 15 Aprel tarixində İspaniyaya 16621 qanunsuz mühacir keçib. Keçən il isə həmin dövrdə İspaniyaya 11681 qanunsuz mühacir keçib.

//Aytən Əsgərova, Strateji.az