51 yaşlı Sofiya Verqaradan gözəllik SİRLƏRİ

  Amerikalı aktrisa, teleaparıcı və model Sofiya Verqara gözəllik sirrini açıqlayıb.

Strateji.az baku.ws-ə istinadən xəbər verir ki, bu barədə "People" jurnalı yazır.

51 yaşlı məşhur qeyd edib ki, yaşlandıqca uzun yuxuya daha çox əhəmiyyət verməyə başlayıb.

"Altı saat mənim üçün kifayət idi, amma indi bilirəm ki, daha çox yatmasam, yaxşı görünməyəcəm", - deyə o bildirib.

Bundan əlavə, ulduz gənc yaşlarından bahalı üz kremlərinə pul xərclədiyini və hər gün saçlarını yuduğunu vurğulayıb.

Sənətçi həm də şirniyyat aludəçiliyinə qalib gələ bilmədiyi üçün ciddi pəhriz saxlamır. Bununla belə, o, pəhrizindən fast foodları çıxarmağa və sağlam qidalar yeməyə çalışır.

Onun sözlərinə görə, dizləri pis olduğu üçün heç vaxt intensiv məşq etməyib.

İdmana münasibətini açıqlayan nəşrin həmsöhbəti "Həyatım boyu qocalar kimi məşq etmişəm", - deyib.

Eyni zamanda, Verqaranın sözlərinə görə, o, yalnız makiyaj edəndə, saç düzəndə və dəbli geyimlər geyinəndə cazibədar hiss edir.

Cavabında o, yaşa bağlı dəyişikliklərin simptomlarından xilas olmaq üçün hər şeyi sınamağa hazır olduğunu bildirib.