Qazaxıstanda referendumda səsvermə başa çatıb

Qazaxıstanda yeni Konstitusiya layihəsinin qəbulu ilə bağlı keçirilən referendumda səsvermə prosesi başa çatıb.
Starteji.az xəbər verir ki, ölkə üzrə yerli vaxtla saat 07:00-da fəaliyyətə başlayan bütün seçki məntəqələri saat 20:00-da bağlanıb.
Qazaxıstanın Mərkəzi Referendum Komissiyasının məlumatına görə, referendumda iştirak etmək hüququna malik 12 milyondan çox vətəndaş seçici siyahılarına daxil edilib. Səsvermənin təşkili üçün ölkə daxilində və xaricdə ümumilikdə 10 mindən artıq seçki məntəqəsi fəaliyyət göstərib. Onların bir hissəsi Qazaxıstan vətəndaşlarının xaricdə səs verməsi üçün müxtəlif ölkələrdə yerləşən diplomatik nümayəndəliklərdə yaradılıb.
Referendumun yekun nəticələri səslərin hesablanması başa çatdıqdan sonra rəsmi şəkildə elan olunacaq.
Şəfa Yusifzadə







