Olaf Şolts Ramazan ayı ərəfəsində atəşkəs çağrışı edib

 Almaniyanın Kansleri Olaf Şolts Ramazan ayı münasibəti ilə müsəlmanlara müraciət edib. Strateji.az "haberler.com" saytına istinadən xəbər verir ki, Kansler öz sosial şəbəkə hesabında müsəlmanları təbrik edib. 

"Müsəlmanların daxili aləmlərinə  dönüb düşünmələri üçün xüsusi vaxt olan Ramazan başlayır. Hər axşam ailələr iftar üçün bir araya gəlir. Bir çoxları evlərini qapısını qonaqların üzünə açır. Müsəlmanlar öz  dost və tanışlarını iftar süfrələrinə dəvət edir. Bu, birgə dinc  yaşama və həmrəyliyin gözəl jestidir. Düşünürəm ki, belədir.Bu iftarlardan birində iştirak etmək imkanım olanda özümü həmişə xüsusi hiss edirəm." deyə Kansler təbrikində bildirib.

Kansler İsrail və Fələstin münaqişəsinə də toxunub. 

"Mən inanıram ki, həm İsrail həm də Fələstin xalqı sülh istəyir. Ramazan ayınım başlanması ilə əlaqədar olaraq qalıcı bir atəşkəsin imzalanması zəruridir. Qəzzaya ən qısa zaman da humanitar yardımlar mütləq çatdırılmalıdır."-deyə Şolts bildirib.

Almaniyanın dövlət rəhbəri ifrat sağçıların yəhudi və müsəlmanların ölkədən deportasiya edilməsi haqqında fikirlərinə də toxunub.

"Biz Almaniyanın bölünməsinə icazə verməyəcəyik. Müsəlmanlar və yəhudilər də xristinalar kimi Almaniyanın bir parçasıdır."-deyə Olaf Şolts bildirib.

//Nəzərbəy Hacıağayev, Strateji.az