Azərbaycan birinciliyində qaliblərin adları bəlli olub

 16 yaşadək (U-16) voleybolçu qız və oğlanların Azərbaycan birinciliyində qaliblərin adları bəlli olub. Bu gün GİN-nin Voleybol Mərkəzində həm qızların, həm də oğlanların final matçları keçirilib.

İlk olaraq meydana qızlardan ibarət “AZERRAIL-1” və “Şərqi Zəngəzur RVK” klubları çıxıblar. Maraqlı mübarizədə keçən bu görüşdə “AZERRAIL-1” rəqibini 3:0 hesabı ilə məğlub edərək birinciliyin qızıl medalını qazanıb.

Daha sonra oğlanların finalı baş tutub. Həlledici görüşdə “AZERRAIL” və “Murov Az Terminal-1” klubları üz-üzə gəliblər. Bu oyunda 3:0 hesabı ilə qələbə qazanan “Murov Az Terminal-1” birinciliyin çempionu olub.

Qarşılaşmalardan sonra mükafatlandırma mərasimi və çempionatın bağlanış mərasimi keçirilib.

4 may

Final

Qızlar

“AZERRAIL-1” - “Şərqi Zəngəzur RVK” 3:0 (25:17, 25:15, 25:08)

Oğlanlar

“AZERRAIL” - “Murov Az Terminal-1” 0:3 (18:25, 25:27, 13:25)