Avropa Liqası: "Nottingem" və "Braqa" qələbə qazanıb

Bu gün UEFA Avropa Liqasında yarımfinal mərhələsinin ilk oyunları keçirilib.
Portuqaliyanın “Braqa” klubu Almaniya təmsilçisi “Frayburq”u qəbul edib.
Meydan sahibləri görüşün son saniyələrində vurduğu qolla rəqibini məğlub edib: 2:1.
Digər matçda isə İngiltərə komandaları qarşılaşıb. “Nottingem Forest” doğma azarkeşləri önündə “Aston Villa”ya minimal hesabla qalib gəlib: 1:0.
Qeyd edək ki, bu mərhələnin cavab oyunları mayın 7-də keçiriləcək.
UEFA Avropa Liqası
Yarımfinal mərhələsi, ilk oyunlar
23:00. “Braqa” - “Frayburq” 2:1
23:00. “Nottingem Forest” - “Aston Villa” 1:0
Şəfa Yusifzadə







