Zidan: "Ümid edirəm ki, "Real Madrid" "Bayer"i keçər
"Real Madrid"in keçmiş baş məşqçisi və oyunçusu Zinəddin Zidan UEFA Çempionlar Liqasının yarımfinal mərhələsinin cavab görüşü çərçivəsində keçiriləcək "Real Madrid"-"Bayer Münhen" oyunu öncə açıqlama verib. Strateji.az "sporx" saytına istinadən xəbər verir ki, o oyun öncəsi "Real Madrid"ə azərkeşlik etdiyini bildirib.
"Matçı izləyəcəyəm. Ancaq sadəcə "Real Madrid"ə dəstək vermək üçün. Ümid edirəm ki, "Real Madrid qazanar və finala yüksələn komanda olar.Çox çətin bir oyun olacaq"-deyə Zidan bildirib.
Qeyd edək ki, tərəflər arasında ilk oyun "Alyans Arena"da baş tutmuşdu və 2:2 bitmişdi.
Onu xatırladmaq lazımdır ki, "Bayer Münhen" Zidana təklif göndərsə də Zidan bu təklifə müsbət cavab verməmişdir.
//Nəzərbəy Hacıağayev, Strateji.az