ABŞ-İran gərginliyi fonunda “Bitcoin” son 7 həftənin ən aşağı həddinə enib

Son sutkada kriptovalyuta bazarında satış təzyiqi güclənib.
“CoinMarketCap”də son 24 saatda qlobal kriptovalyuta bazarının kapitallaşması 5,59% azalaraq 2,29 trilyon ABŞ dollarına düşüb.
Bazarın ən böyük kriptovalyutası olan “Bitcoin”in qiyməti 6,11% azalaraq 66 365 ABŞ dolları təşkil edib. İkinci ən böyük kriptovalyuta olan “Ethereum”un qiyməti isə 7,76% azalaraq 1 841 ABŞ dollarına enib.
Digər əsas kriptovalyutalardan “BNB”nin qiyməti 7,71%, “Bitcoin Cash”ın qiyməti 15,26%, “Bittensor”un qiyməti 11,31%, “Monero”nun qiyməti isə 4,43% azalıb.
Qızıl əsaslı tokenlərdən “PAX Gold”un qiyməti 0,31%, “Tether Gold”un qiyməti isə 0,44% geriləyib. Bununla yanaşı, “Zcash”ın qiyməti 7,44% artaraq müsbət dinamika nümayiş etdirib.
Bazarın ümumi vəziyyətini əks etdirən “CoinMarketCap 20 Index” (CMC20) də 6,27% azalaraq 136,27 bəndə düşüb.
Şəfa Yusifzadə







