Küveyt əmri Parlamenti buraxdı
Küveyt əmiri Şeyx Məşəl əl-Əhməd əl-Cabir əs-Sabah ölkə parlamentini rəsmən buraxıb. Strateji.az "haberler.com" saytına istinadən xəbər verir ki, Sabah bu barədə ölkənin dövlət televiziyasına çıxışı zamanı deyib.
Şeyx bildirib ki, Parlamentin buraxılması və konstitusiyanın bəzi maddələrinin 4 ildən çox olmayan müddətə qüvvədən salınması üçün qərar qəbul etdik. O bildirib ki, bu müddət zərfində demokratiyaın inkişafı üçün bəzi araşdırmalar aparacağıq.
"Ölkənin mənafeyini qorumaq və ölkəni çətinliklərdən çıxartmaq üçün bu çətin qərarı vermək məcburiyyətində idik. Ölkəmiz hal-hazırda çətinliklər və əngəllərlə üz-üzədir" -deyə Sabah bildirib.
//Aytən Əsgərova, Strateji.az