Səbinə İsmayılova Heydər Əliyev Fondunun vitse-prezidenti Leyla Əliyeva ilə keçirilən görüşdə iştirak edib
Jalə Əhmədovanın dəvəti ilə “Peşəkar Psixoloqlar” İctimai Birliyinin sədri, psixoloq və mediator Səbinə İsmayılova Heydər Əliyev Fondunun vitse-prezidenti Leyla Əliyeva ilə keçirilən görüşdə iştirak edib.
Görüş zamanı proqram çərçivəsində son illərdə həyata keçirilən fəaliyyətlər, reallaşdırılan layihələr və əldə olunan nəticələr barədə ətraflı məlumat təqdim olunub.Müzakirələrdə xüsusi qayğıya ehtiyacı olan uşaqlarla çalışan mütəxəssislərin peşəkarlığının artırılması, vahid nəzarət sisteminin qurulması, psixoloji protokolların və standartların hazırlanması, yeni layihələrin həyata keçirilməsi və uşaqların psixi sağlamlığının qorunması istiqamətində gələcək planlar diqqət mərkəzində olub.Proqramının rəhbəri Jalə Əhmədova proqramın fəaliyyəti və gələcək hədəfləri barədə təqdimat edib. Proqramın baş psixoloqu Rövşən Nəzərli isə uşaqların sağlam inkişafı üçün tətbiq olunan terapevtik metodların ardıcıllığı və onların praktik həyata keçirilməsi mexanizmləri haqqında məlumat verib.
Leyla Əliyeva müzakirə olunan məsələlərlə bağlı dəyərli tövsiyələrini bölüşüb, görülən işlərin daha səmərəli həyata keçirilməsi istiqamətində tapşırıq və məsləhətlərini çatdırıb.Görüş çərçivəsində autizmli uşaqlara göstərilən diqqət və qayğı da xüsusi önəm daşıyıb. Leyla Əliyeva uşaqlarla görüşərək onlara hədiyyələr təqdim edib.
“Peşəkar Psixoloqlar” İctimai Birliyi xüsusi qayğıya ehtiyacı olan uşaqların psixi sağlamlığının qorunması, onların inkişafına dəstək göstərilməsi və bu sahədə peşəkar xidmətlərin təkmilləşdirilməsi istiqamətində əməkdaşlıq və təcrübə mübadiləsini mühüm hesab edir






