Səbinə İsmayılova Meksikanın Azərbaycandakı Səfirliyinin təşkil etdiyi mədəni tədbirdə iştirak edib
Meksikanın Azərbaycandakı Səfirliyi tərəfindən Meksika xalqının qədim ənənələrindən biri olan Ölülər Günü (Día de los Muertos) münasibətilə mədəniyyət və ənənələrin təqdim olunduğu sərgi-tədbir keçirilib.
Tədbirdə “Peşəkar Psixoloqlar” İctimai Birliyinin sədri, psixoloq və mediator Səbinə İsmayılova da iştirak edib.
Sərgidə Meksika xalqının zəngin mədəni irsi, Ölülər Günü ənənəsinin tarixi və rəmzləri, milli dekorativ elementləri və mərasim atributları nümayiş etdirilib. İştirakçılar Meksika mədəniyyətinin özünəməxsus xüsusiyyətləri ilə tanış olmaq imkanı əldə ediblər.
Bu kimi mədəni tədbirlər xalqlar arasında qarşılıqlı anlaşmanın, mədəni dialoqun və beynəlxalq əlaqələrin inkişafına töhfə verir.







