Rusiyada qalmaqal: Daha bir general həbs edildi

 Rusiya Müdafiə Nazirliyində rüşvətxorluqla bağlı istintaq davam edir. Strateji.az "CNN Türk"ə istinadən xəbər verir ki, bu barədə məlumatı Rusiyanın İstintaq Komitəsi verib. 

Məlumatda bildirilib ki, aparılan araşdırmalar nəticəsndə Rusiya Müdafiə Nazirliyinin Kadrlar Baş İdarəsinin rəisi general-leytenant Yuri Kuznetsov həbs edilib. Onun həbs olunmasına  səbəb isə küllü miqdarda rüşvət alması olub.

Rusiya İstintaq Komitəsinin sözçüsü Svetlana Petrenko məsələ ilə bağlı açıqlama verib. O bildirib ki məhkəmə və istintaqın qərarına əsasən Kuznetsov barəsində həbs qətimkan tədbiri seçilib. İstintaq zamanı onun 100 milyon rubl rüşvət aldığı məlum olub. 

Qeyd edək ki, Aprelin 23-də Rusiyanın Müdafiə Nazirinin müavini Timur İvanovda rüşvət aldığı üçün həbs edilmişdi. Bu qalmallardan sonra Rusiyanın Prezidenti yeni nazirlər kabinetində Müdafiə Naziri Sergey Soyquna yer verməmişdi. Onun yerinə Rusiyanın Müdafiə Naziri Andrey Belousov təyin edilmişdi.

  //Nəzərbəy Hacıağayev, Strateji.az