Hindistan öz əsgərlərini Maldiv Adalarından geri çəkir
Hindistan Maldiv Adalarındakı əsgərlərini çıxartmağa başlayıb. Strateji.az "haberler.com" saytına istinadən xəbər verir ki, Hindistanlı əsgərlər iki ölkə arasındakı razılaşmaya əsasən ölkəni tərk edir.
Artıq 25 əsgər Maldiv Adalarını tərk edib. Maldiv Adalarında olan hərbi təyyarə və helikopterlər mülki istifadəyə verilib. Maldiv Adalarının Prezidenti Məhəmməd Muizzu vəzifəyə gəldikdən sonra Hindistan hərbçilərinin ölkədən çıxarılmasına göstəriş verib.
Hindistan ordusunun Maldiv Adalarından çıxarılması prosesi Mayın 10-na kimi davam edəcək. Hindistan Daxili İşlər Nazirliyinin məlumatına görə ordunun əvəzində ölkədə mülki şəxslər fəaliyyət göstərəcək.
Qeyd edək ki, buna qədər Maldiv Adaları ilə Çin arasında hərbi əməkdaşlığa dair müqavilə imzalanmışdı.
//Aytən Əsgərova, Strateji.az