Nikolun görüşü: jurnalistli zaldan sürüyüb çıxardılar - FOTO

 Ermənistanın Baş naziri Nikol Paşinyan Tavuş vilayətinə səfər edib. 
Strateji.az qafqazinfo-ya istinadən xəbər verir ki, bu barədə məlumatı "Azatutyun" yayıb. 
Bildirilir ki, Paşinyan Bağanis (Bağanıs Ayrım) kəndində yerli məktəbdə görüş keçirəcək. 
Məlumata görə, hüquq-mühafizə orqanlarının əməkdaşları məktəbə heç kəsi buraxmır. Polislər binaya daxil olmağa nail olan erməni jurnalist Ani Gevorkyana qarşı güc tətbiq edərək onu məktəbdən çıxarıb. 
Paşinyanın Bağanisdən sonra Berkaber (ER) - Qızılhacılı (AR), Voskepar (ER) - Aşağı Əskipara (AR) və Kirants (ER) - Xeyrımlı (AR) kəndlərinə səfər edib-etməyəcəyi hələ məlum deyil. 
Xatırladaq ki, mayın 24-də Azərbaycanın Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin əraziləri Azərbaycan Dövlət Sərhəd Xidməti tərəfindən nəzarətə götürülüb.