Rəşid Gezzal "Beşiktaş"dan ayrıldı

  Türkiyənin "Beşiktaş" klubu ilə daha bir futbolçu yollarını ayırır. Strateji.az "CNN Türk"ə istinadən xəbər verir ki,  Rəşid Gezzal "qara qartalla" yollarını ayırır.

O bu barədə özünün sosial şəbəkə hesabında məlumat verib.

"4 illik gözəl anlardan sonra vidalaşmaq həmişə çətindir. Həm möcüzəli, həm də çətin anlardan sonra. Təşəkkürdən başqa deyiləsi söz yoxdur. Birlikdə işlədiyim bütün komanda yoldaşlarıma (qardaşlarıma) və texniki heyətə təşəkkür edirəm. , bu anları mənimlə meydanda paylaşdığınız üçün təşəkkür edirəm. Mənə və ailəmə yardım edən pərdəarxası qəhramanlara da öz minnətdarlığımı bildirirəm.Son olaraq, əziz Beşiktaş azarkeşləri, sonsuz sevgi və dəstəyinizə görə sizə dərin təşəkkürümü bildirirəm. Sizin futbola və bu kluba olan sevginiz mənim üçün unudulmaz xatirə olaraq qalacaq. Əminəm ki, yollarımız yenidən kəsişəcək. Bir dəfə qartalsan, həmişə qartal olacaqsan"-deyə Gezzal bildirib.

Qeyd edək ki. 32 yaşlı futbolçu İstanbul nəhənginə 2020/2021-ci mövsümündə transfer olmuşdu. O "ağ-qaralar"ın heyətində 17 qol və 33 məhsuldar ötürmə aktivinə yazdırmışdı. Gezzal "Beşiktaş"la bir dəfə Türkiyə Super Liqasının, 2 dəfə Türkiyə Kubokunun və 1 dəfə isə Türkiyə Super Kubokunun qalibi olmağa nail olmuşdu.

//Nəzərbəy Hacıağayev, Stateji.az