"Sivasspor"un futbolçusu İtaliya klubunun diqqətindədir

 Bu mövsüm Türkiyənin "Sivasspor" klubunda forma geyinən Rey Maneji İtaliyanın "Latsio" klubu öz heyətinə qatmaq istəyir. Strateji.az "CNN Türk"ə istinadən xəbər verir ki, Manej həm bu mövsüm "Sivasspor"un heyətində ən çox qol vurdu həm də ölkəsinin AVRO-2024 vəsiqə qazanmasında müstəsna xidmətləri oldu. 

Manej bu mövsüm "Sivasspor"un heyətində 36 oyunda 22 dəfə fərqlənməyə nail olub. Bununla da albaniyalı futbolçu Türkiyə Super Liqasında bombardirlər siyahısında III pillədə yer alıb. Manejin AVRO-2024-dəki oyununda onun transfer qiymətinə təsir edəcək. Artıq Səudiyyə Ərəbistanın klubları da Manejə 10 milyon avroluq təklif göndərib. 

Qeyd edək ki, Manejin heyətində yer aldığı Albaniya millisi qrupda İtaliya, Xorvatiya və İspaniya ilə mübarizə aparacaq.

//Nəzərbəy Hacıağayev, Strateji.az