Cənubi Afrikada qasırğa: 22 ölü

 Cənubi Afrikada qasırğa baş verib. Strateji.az "haberler.com" saytına istinadən xəbər verir ki, qasırğa Şərqi Keyp və Kva Zulu-Natal ştatlarında baş verib. 

Hər iki ştatda baş vermiş təbii fəlakət zamanı ümumilikdə 22 nəfər həyatını itirib.  Kva Zulu-Natal Durban şəhərinin Tonqat qəsəbəsində çox sayda ev dağılıb. Bəzi evlərdə isə ciddi fəsadlar əmələ gəlib. Elektrik dirələri və ağaclar aşıb. Ştatda 11 nəfər həyatını itirib.

Şərqi Keyp əyalətində isə qasırğa səbəbi ilə daşqın meydana gəlib. 2 mindən çox insan daşqın səbəbi ilə təxliyə edilib. Sözügedən ştatda 11 nəfər həyatını itirib.

//Aytən Əsgərova, Strateji.az