Kenyada quraqlıq səbəbi ilə yardıma möhtac olan şəxslərin sayı 2 milyona yüksəldi

 Kenyada quraqlıq öz ciddi fəsadlarını göstərməkdə davam edir. Stratej.az "haberler.com" saytına istinadən xəbər verir ki, Keniya Milli Quraqlıq İdarəetmə Mərkəzi hesabat yayıb.

Hesabata əsasən ölkədə quraqlıqdan əziyyət çəkənlərin sayı 2 milyona yüksəldi. Əziyyət çəkənlər əsasən quraqlıq və yarıquraqlıq bölgələrdə yaşayır. Ölkədə bu kimi bölgələrin sayı 23 olaraq göstərilir. 

Rayonlar da insanlar kəskin qida çatışmazlığından əziyyət çəkir. Ən çox isə azyaşlılar, hamilə qadınlar və uşaq əmizdirən analar əziyyət çəkir. Hesabata görə qida çatışmalığı ilə üz-üzə qalan azyaşlı sayı 847932 nəfərdir.124 359 hamilə və əmizdirən qadın kəskin qida çatışmazlığından əziyyət çəkir və müalicəyə ehtiyacı var.

Keniya 2023-cü ildə şiddətli "El Nino" yağışlarından təsirlənən Afrika Buynuzu ölkələri sırasındadır. Bu yağışlar humanitar yardıma ehtiyacı olan insanların sayını artırır.

Birləşmiş Millətlər Təşkilatının Ərzaq və Kənd Təsərrüfatı Təşkilatı və Hökumətlərarası İnkişaf Təşkilatının məlumatlarına görə, Afrikanın Böyük Buynuzu regionunda təxminən 58,1 milyon insan kəskin qida çatışmazlığının qurbanıdır. Bu insanların 30,5 milyonu Cibuti, Keniya, Somali, Cənubi Sudan, Sudan və Uqandadadır. Onların 27,6 milyonu Burundi, Mərkəzi Afrika Respublikası, Konqo Demokratik Respublikası və Tanzaniyada yaşayır.

  //Aytən Əsgərova, Strateji.az