İordaniya kralı: "Humanitar yardımlar üçün atəşkəsi gözləyə bilmərik"
İordaniyada Qəzzaya humanitar yardımların çatdırılması ilə əlaqədar olaraq beynəlxaql konfrans keçirilib. Strateji.az "CNN Türk"ə istinadən xəbər verir ki, konfrans zamanı İordaniya Kralı II Abdullah çıxış edib.
"Bu gün biz bəşər tarixində kritik dönüş nöqtəsindəyik. Kollektiv vicdanımız hazırda Qəzzada baş verən fəlakətlə sınaqdan keçirilir. İnsanlığımız təhlükədədir. Ardıcıl 8 ay ərzində Qəzza xalqı 20 ildən artıq müddətdə hər hansı digər münaqişədən daha çox ölüm və dağıntı ilə üzləşib. Üfüqdə aclıq görünür. Rəfahda hərbi əməliyyatın başlaması onsuz da pis olan vəziyyəti daha da pisləşdirdi və təxminən 1 milyon qəzzalı növbəti dəfə məcburi köçkün vəziyyətinə düşüb, qida, su, sığınacaq və dərman almaq imkanından məhrum edilib. Təhlükəsiz yer axtarışında olanlar belə dəfələrlə yerlərindən didərgin düşərək hədəf halına gəlib." -deyə Kral Abdullah bildirib.
Kral atəşkəs məsələsinə də toxunub. O qeyd edib ki, Qəzzaya çatdırılmalı olan beynəlxalq humanitar yardımlar gözlənilməz şəkildə dayandırıldı. II Abdullah qeyd edib ki, humanitar yardımlar üçün atəşkəsi gözləyə bilmərik.
//Nəzərbəy Hacıağayev, Strateji.az