Argentinada etiraz aksiyaları baş tutub
Arentinada Xaviyer Mileyin rəhbərlik etdiyi iqtisadi islahatlar etirazlara səbəb olub. Strateji.az Türkiyənin "Hürriyət" qəzetinə istinadən xəbər verir ki, islahaltlara etiraz əlaməti olaraq əhali küçəyə çıxıb.
Etirazçılar ölkənin qanunvercilik orqanının binasına yürüş etmək istəyib. Ancaq polis etirazçıların bu əməlinə maniə olub. Nəticədə polis və aksiya iştirakçıları arasında toqquşma baş verib. Toqquşmalar zamanı etirazçılar polisə Molotof kokteyli atıb. Polis isə etirazçılara qarşı gözyaşardıcı qazdan istifadə edib. Nəticədə müxalifətin 5 millət vəkili yaralanaraq xəstəxanaya yerləşdirilib. Aksiya zamanı 20 nəfər polis də yaralanıb. İxtişaşlarda iştirak edən 15 nəfər saxlanılıb. Bundan əlavə etirazçılar tərəfindən 2 avtomobil yandırılıb.
//Aytən Əsgərova, Strateji.az
