Husilər Yunanıstana məxsus gəmini vurub
Yəməndə fəaliyyət göstərən husilərin Qırmızı Dənizdə Ticarət gəmilərinə hücumları davam edir. Strateji.az Türkiyənin "Hürriyət" qəzetinə istinadən xəbər verir ki, husilər Qırmızı dənizdə daha bir gəmini hədəfə alıb.
Bu barədə məlumatı Böyük Britaniya tərəfi yayıb. Məlumatda bildirilib ki, zərbənin endirildiyi gəmi Yunanıstana məxsus olan və Liberiya bayrağı altında üzüb. Vurulan gəmi ciddi ziyan görüb və gəminin içi su alıb.
ABŞ tərəfi isə husilərə qarşı uğurlu əməliyyat keçirdiyini bildirib. ABŞ tərəfinin verdiyi məlumata əsasən husilərə məxsus üç gəmiəleyhinə raket və bir PUA məhv edilib.
//Aytən Əsgərova, Strateji.az