İsveçrə AVRO-2024-ə qələbə ilə başladı

Bu gün AVRO-2024-də ikinci günün oyunlarına start verilib. Strateji.az saytının məlumatına görə, ilk olaraq A qrupunun ikinci qarşılaşmasında Macarıstan və İsveçrə Köln şəhərində "Rhein Energie Stadion"da üz-üzə gəlib. Sloveniyadan olan hakim Slavko Vinçiçin idarə etdiyi görüşün İsveçrə Kvado Duanın qolu ilə hesabı açıb-Macarıstan-İsveçrə-0:1. Oyunun 45-ci dəqiqəsində Mişel Ebişer İsveçrənin ikinci topuna imza atıb-Macarıstan-İsveçrə-0:2. İlk hissə İsveçrənin 0:2 hesablı üstünlüyü ilə başa çatıb. Oyunun 66-cı dəqiqəsində Macarıstan Barnabaş Varqanın qolu ilə hesab arasındakı fərqi azaltdı-Macarıstan-İsveçrə-1:2.  Oyunun 90+3-cü dəqiqəsində Brel Emolo İsveçrənin üçüncü topuna imza atdı-Macarıstan-İsveçrə-1:3. Beləcə matç İsveçrənin 1:3 xeyrinə başa çatdı.

Bu qrupun digər qarşılaşması dünən baş tutmuşdu. Həmin görüşdə Almaniya Münhen şəhərindəki "Allians Arena"da Şotlandiya millisini qəbul edib. Fransadan olan hakim Klemen Turpinin idarə etdiyi qarşılaşmada artıq oyunun 10-cu dəqiqəsində Almaniya  Florian Virtsin qolu ilə hesabı açıb-Almaniya-Şotlaniya-1:0. Oyunun 19-cu dəqiqəsində  Jamal Musiala Almaniyanın ikinci topuna imza atdı-Almaniya-Şotlandiya-2:0. Oyunun 44-cü dəqiqəsində Şotlandiya daha bir zərbə aldı. Şotlandiyanın heyətindən Ryan Porteus qırmızı vərəqə alaraq meydandan qovuldu-Almaniya-Şotlandiya-2:0. Oyunun 45+1-ci dəqiqəsində Kai Havertz penaltidən Almaniyanın üçüncü topuna imza atdı-Almaniya-Şotlandiya-3:0. Tərəflər fasiləyə Almaniyanın 3:0 üstünlüyü ilə yollandı. Oyunun 68-ci dəqiqəsində Nuklas Fulkruq Almaniyanın dördüncü topuna imza atdı-Almaniya-Şotlandiya-4:0. Oyunun 87-ci dəqiqəsində Almaniyanın heyətindən Antonio Rüdige öz qapısına qol vurdu-Almaniya-Şotlandiya-4:1. Oyunun 90+3-cü dəqiqəsində Almaniya Emrə Can Almaniyanın beşinci topuna imza atdı-Almaniya-Şotlandiya-5:1. Bu oyunda vurulan son qol oldu və Almaniya matçdan 5:1 qalib ayrıldı.