Rumıniya 3 xalı 3 cavabsız qolla qazandı
Bu gün AVRO-2024-də IV günün oyunlarına start verilib. Strateji.az saytının məlumatına görə E qrupunda I tur çərçivəsində Münhen şəhərində yerləşən "Münhen Arena"da Rumıniya Ukraynanı qəbul edib. İsveçdən olan hakim Qlenn Nyuberqin idarə etdiyi qarşılaşmanın artıq 29-cu dəqiqəsində Rumıniya Nikolae Stankunun qolu ilə hesabı açıb-Rumıniya-Ukrayna-1:0. İlk hissə Rumıniyanın 1:0 üstünlüyü ilə başa çatıb. Oyunun 53-cü dəqiqəsində Razvan Marin Rumıniyanın ikinci topuna imza atıb-Rumıniya-Ukrayna-2:0. Oyunun Denis Draquş Rumuniyanın üçüncü topuna imza atdı-Rumıniya-Ukrayna-3:0. Bu oyunda vurulan son qol oldu və Rumıniya ilk oyunda 3 xalı 3 cavabsız qolla qazandı.
Bu gün daha iki qarşılaşma baş tutacaq. İlk olaraq Bakı vaxtı ilə 20:00-da E qrupunın I turu çərçivəsində Belçika və Slovakiya üz-üzə gələcək. D qrupunda I tur çərçivəsində isə Avstraya Fransa ilə üz-üzə gələcək.