Niderlanddan əzmkar qələbə
Bu gün AVRO-2024-də III günün oyunlarına start verilib. Strateji.az saytının məlumatına görə Hamburq şəhərində "Folksparkstadion"da D qrupunun I turu çərçivəsində Polşa və Niderland üz-üzə gəlib. Portuqaliyadan olan hakim Artur Soareş Diaşın idarə etdiyi qarşılaşmada Polşa oyunun 16-cı dəqiqəsində Adam Buksanın qolu ilə hesabı açdı-Polşa-Niderland-1:0. Oyunun 29-cu dəqiqəsində Niderland Kodi Qapkonun qolu ilə hesabı bərabərləşdirdi-Polşa-Niderland-1:1. İlk hissə tərəflərin hərəyə bir dəfə fərlənməsi ilə başa çatıb-Polşa-Niderland-1:1. Oyunun 83-cü dəqiqəsində Vout Veqhorst Niderlandın ikinci topuna imza ataraq komandasını hesabda irəli çıxarıb-Polşa-Niderland-1:2. Bu oyunda son qol oldu və Niderland matçdan 1:2 qalib ayrıldı.
Bu gün daha iki qarşılaşma baş tutacaq.
C qrupunda I turun oyunu çərçivəsində Bakı vaxtı ilə saat:20:00-da Sloveniya və Danimarka milliləri üz-üzə gələcək. 23:00-da isə C qrupunun I turu çərçivəsində Serbiya və İngiltərə üz-üzə gələcək