"Zirə"nin Avropa Liqasındakı rəqibi müəyyənləşdi

 Bu gün UEFA Avropa Liqasında 1-ci təsnifat mərhələsinin püşkü atılıb.

İsveçrənin Nyon şəhərində keçirilən tədbirdə Azərbaycanın bu turnirdəki təmsilçisi "Zirə"nin də rəqibi müəyyənləşib.

Səpələnməmişlər səbətində yer alan "Zirə" “Şerif”ə (Moldova) rəqib olub.

Rəşad Sadıqovun komandası ilk matçını iyulun 11-i səfərdə, cavab görüşünü isə iyulun 18-də Bakıda keçirəcək.

Azərbaycanı avrokuboklarda təmsil edəcək digər komandalar - "Qarabağ" (ÇL)  və "Sabah"la (KL) "Sumqayıt" (KL) isə mübarizəyə 2-ci təsnifat mərhələsindən başlayacaq. Bu mərhələnin püşkü iyunun 19-da atılacaq. Avropa Liqasında da 2-ci mərhələnin püşkatma mərasimi sabah keçiriləcək.

  //Qol.az