Danimarkada qadınlar məcburi hərbi xidmətə cəlb olunacaq

 Danimarka ordu quruculuğunda ciddi dəyişikliyə hazırlaşır. Strateji.az BBC-ə istinadən xəbər verir ki, kişilərlə paralel qadınlarda məcburi hərbi xidmətə cəlb olunacaq.

Bu barədə məlumatı ölkənin Baş naziri Mette Fredreksen bildirib. O qeyd edib ki, ölkənin hərbi büdcəsi artırılaraq NATO-nun təyin etdiyi hədəflərə çatmağı planlaşdırlır. Qadınların məcburi hərbi xidmətə cəlb olunması prosesinə 2026-cı ildə başlanılacaq. Həm qadınların həm də kişilərin həqiqi hərbi xidmət müddəti 11 ay olacaq. 

Danimarkanın baş naziri qərarın səbəbini izah edərkən bildirib ki, müharibə istəmirik və biz müharibədən qorunmaq üçün ordumuzu gücləndiririk.

Xatırladaq ki, Rusiyanın Ukraynanı işğal etməsindən sonra Avropa ölkələri öz hərbi büdcələrini artırmaq qərarına gəlib. 

Qeyd edək ki, Danimarka bu qərarı verən üçüncü Avropa ölkəsi olacaq. Buna qədər İsveç və Norveç bu qərarı verib.

//Nəzərbəy Hacıağayev, Strareji.az