"Neftçi" üç xalı üç cavabsız qolla qazandı-YENİLƏNİB-4

 Azərbaycan Premyer Liqasının XXVII turu çərçivəsində keçirilən "Neftçi"-"Səbail" oyunu başa çatdı. Oyunda "Neftçi" üç xalı üç cavabsız qolla qazanaraq 2-ci pilləyə yüksəldi.

xxxxx

Oyunun 85-ci dəqiqəsində Yeqor Beqomolski "Neftçi"nin üçüncü topuna imza atdı-"Neftçi"-"Səbail"-3:0

xxxxx

"Neftçi"-"Səbail" oyununda tərəflər fasiləyə yollandı. İlk hissədən sonra "Neftçi" 2:0 hesabda irəlidədir.

xxxxx

Oyunun 27-ci dəqiqəsində Azər Salahlı "Neftçi"nin ikinci topuna imza atdı-"Neftçi"-"Səbail"-2:0

xxxx

Bu gün futbol üzrə Azərbaycan Premyer Liqasında XXVII tura start veriləcək. PFL bu günə bir qarşılaşma təyin edib.

Günün yeganə və turun açılış matçında "Neftçi" "Neftçi Arena"da "Səbail"i qəbul edir. İki turdur qələbə üzünə həsrət meydan sahibləri bu turda azərkelərini sevindirmə istəyir. Keçən tur "Sumqayıt"a məğlub olaraq ikinci pilləni "Sumqayıt"a təhvil verən özləri isə beşinci pilləyə yuvarlanan "dənizçilər" bu oyundan qələbə ilə ayrılmaq istəyirlər. Hakim İnqilab Məmmədovun idarə etdiyi qarşılaşmada artıq oyunun dəqiqəsində "Neftçi" "Səbail"in heyətindən Nir Bardeanın avtoqolu ilə hesabı açdı-"Neftçi"-"Səbail"-1:0

Turun digər görüşləri sabah və bazar günü keçiriləcək. 

Günün ilk qarşılaşmasında  "Zirə" "Zirə İdman Kompleksinin Stadionu"nda qədim Gəncə təmsilçisi "Kəpəz"i qəbul edəcək. İki turdur qələbə üzünə həsrət qalan "mavi qartallar" bu turda doğma publika önünüdə azərkeşlərini sevindirmək istəyir. Üç turdu məğlub olmayan Nizami yurdunun təmsilçiləri də bu matçdan növbəti dəfə ən azı məğlub olmadan ayrılmaq istəyir.

Günün ikinci qarşılaşmasında "Liv Bona Dea Arena" "Araz-Naxçıvan" "Qəbələ"ni qəbul edəcək. Muxtar Respublika təmsilçisi bu oyunda uğursuzluqlardan xilas olmağa çalışacaq.  "Qəbələ" isə artıq yeni baş məşqçisinin rəhbərliyi altında ilk qələbəsini qazanmağa çalışacaq.

Turun digər görüşləri Bazar günü keçiriləcək.

Bazar günü ilk olaraq

"Turan Tovuz" "Tovuz Şəhər Stadionu"nda "Qarabağ"ı qəbul edəcək. Tovuzlular güclü rəqibindən ən azı doğma publika önünüdə bir xal almağı düşünəcək. Almaniya səfərindən yorğun qayıdan "köhlən atlar" isə səfərdə növbəti qələbəsini qazanmağı düşünəcək.

Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Sabah"ı qəbul edəcək. gənclik şəhər təmsilçisi bu matçda qələbə qazanaraq ikinci pilləni qoruyub saxlamaq istəyir. "Bayquşlar" isə bu matçda qələbə qazanaraq II pilləyə yüksəlmək haqqında düşünəcək.