Dilan Polatdan aylar sonra ilk paylaşım: Yollarımızı ayırdıq!

 Çirkli pulların yuyulması ittihamı ilə həbsdə olan Dilan Polat aylar sonra paylaşım edib. 

Strateji.az yenisabah.az-a istinadən xəbər verir ki, vəkilləri ilə yollarını ayırdıqlarını açıqlayan Dilan Polat yenidən gündəmə gəlib. 

Məlumat üçün bildirək ki, çirkli pulların yuyulması iddiaları ilə barəsində istintaq başladılan Dilan və Engin Polatın həbsinin davam etdirilməsinə qərar verilib, Sıla və Can Doğu bir müddət əvvəl sərbəst buraxılıb. 

Vəkili Hüseyn Kaya ilə bağlı qərarı sosial media hesabından açıqlayan Dilan Polat Kayaya göstərdiyi səylərə görə təşəkkür edib. 

Polat paylaşımında bu ifadələrdən istifadə edib: "Vəkil Hüseyn Kaya ilə qarşılıqlı razılaşma əsasında yollarımızı ayırdıq. Ona göstərdiyi səylərə görə təşəkkür edir, peşə həyatında uğurlar arzulayırıq".