Port-o-Prensdəki hava limanı əsgərlər tərəfindən qorunur
Haitinin paytaxtı Port-o-Prensdəki hava limanı silahlı dəstələrin hücumundan qorunur. Strateji.az BBC-ə istinadən xəbər verir ki, silahlı dəstələr ölkənin Baş naziri Ariel Henrinin ölkəyə girişini əngəlləmək istəyir.
Hava limanı ölkəin silahlı qüvvələri tərəfindən mühafizə olunur. Hava limanında yerli və beynəlxalq uçuşlar təxirə salınıb.
Silahlı dəstələrə keçmiş polis rəisi başçılıq edir. Onun rəhbərlik etdiyi silahlı dəstə bir polis bölməsinə hücum edərək 10 nəfərin həlak olmasına çox sayda isə məhkumun həbsxanadan qaçmasına səbəb olub.
Henrinin səlahiyyətlərini həyata keçirən nazirlərdən biri ölkədə 72 saatlıq fövqaladə vəziyyət elan edib.
Qeyd edək ki, Baş nazir Qayanada bir zirvə toplantısında iştirak etmək üçün ölkəsindən ayrılıb. Daha sonra isə o Kenyaya səfər edib. Kenyaya səfər etməkdə məqsədi ölkəsinə beynəlxalq polis güclərinin yerləşrilməsi üçün müqavilənin imzalanmasıdır. Son məlumata görə Dominikan Respublikası öz hava məkanını baş nazirin təyyarəsinə bağladığından Dominikan Respublikasının üzərindən hər hansısa bir uçuş həyata keçirilməyib. Hal-hazırda baş nazirin harada olması ilə bağlı dəqiq məlumat yoxdur.
//Nəzərbəy Hacıağayev, Strateji.az