Avstriya qrupu lider kimi tamamladı
Bu gün AVRO- 2024-də XII günün oyunlarına start verilib. Strateji.az saytının məlumatına görə, Berlin şəhərində "Berlin Olimpiya Stadionu"nda D qrupunun III turu çərçivəsində Niderland və Avstriya üz-üzə gəlib. Slovakiyadan olan hakim İvan Krujlyakın idarə etdiyi qarşılaşmanın artıq 6-cı dəqiqəsində Avstriya Niderlandın heyətindən Doniell Malenin qolu ilə hesabı açıb-Niderland-Avstriya-0:1. İlk hissə Avstriyanın 0:1 üstünlüyü ilə başa çatıb. Oyunun 47-ci dəqiqəsində Kodi Qapko Niderlandın bərabərlik topuna imza atıb-Niderland-Avstriya-1:1. Oyunun 59-cu dəqiqəsində Romano Şmid Avstriyanın ikinci topuna imza ataraq komandasını hesabda önə keçirib-Niderland-Avstriya-1:2. Oyunun 75-ci dəqiqəsində Memfis Depay Niderlandın yenidən bərabərlik topuna imza atıb-Niderland-Avstriya-2:2.Oyunun 80-ci dəqiqəsində Marsel Sabister Avstriyanın üçüncü topuna imza atıb-2:3. Bu oyunda vurulan son qol oldu və Avstriya 2:3 qalib ayrıldı. Beləcə Avstriya qrupu lider, Niderland isə ikinci pillədə bitirdi.
Qeyd edək ki, Niderland ilk oyununda Polşaya 1:2 qalib gəlib, ikinci oyunda isə Fransa ilə 0:0 bərabərliyə razı olub. Avstriya isə ilk oyununda Fransaya 0:1 məğlub olub, ikinci oyunda isə Polşaya 1:3 qalib gəlib.