Fransa qrupu ikinci pillədə bitirdi
Bu gün AVRO- 2024-də XII günün oyunlarına start verilib. Strateji.az saytının məlumatına görə, Dortmund şəhərində "Vestfalenştadion"da D qrupunun III turu çərçivəsində Fransa və Polşa üz-üzə gəlib. İtaliyadan olan hakim Marko Quidanın idarə etdiyi qarşılaşmanın ilk hissəsində tərəflərdən heç biri fərqlənə bilməyib-Fransa-Polşa-0:0. Oyunun 56-cı dəqiqəsində Kilian Mbappenin penaltidən qolu ilə Fransa hesabı açıb-Fransa-Polşa-1:0. Oyunun 79-cu dəqiqəsində Robert Levandovski penaltidən Polşanın bərabərlik topuna imza atıb-Fransa-Polşa-1:1. Bu oyunda vurulanda son qol oldu tərəflər hərəyə bir dəfə fərqlənməklə bir xala qane oldular-Fransa-Polşa-1:1. Beləcə Fransa qrupu ikinci Polşa isə sonuncu pillədə bitirdi.
Qeyd edək ki, Fransa ilk oyununda Avstriyaya 1:0 qalib gəlib, ikinci oyunda isə Niderlandla qolsuz heç-heçəyə razı olub. Polşa isə ilk oyunda Niderlanda 1:2 məğlub olub, ikinci oyunda isə Avstriyaya 1:3 məğlub olub.