Rumıniya qrupu lider kimi başa vurdu
Bu gün AVRO 2024-də XIII günün oyunlarına start verilib. Strateji.az saytının məlumatına görə, Frankfurt şəhərində "Frankfurt Arena"da E qrupunun III turu çərçivəsində Slovakiya və Rumıniya ilə üz-üzə gəlib. Almaniyadan olan hakim Daniel Zibertin idarə etdiyi qarşılaşmada oyunun 24-cü dəqiqəsində Ondrey Dudanın qolu ilə Slovakiya hesabı açıb-Slovakiya-Rımıniya-1:0. Oyunun 37-ci dəqiqəsində Razvan Marin penaltidən Rumıniyanın bərabərlik topuna imza atıb-Slovakiya-Rumıniya-1:1. İlk hissə tərəflərin hərəyə bir dəfə fərqlənməyi ilə bitib-Slovakiya-Rumıniya-1:1. Bu oyunda son qol olub və tərəflər hərəyə bir dəfə fəqlənərək bir xala qane oldu-Slovakiya-Rumıniya-1:1. Beləcə 4 xal yığan Rumıniya qrup mərhələsini lider kimi başa vurdu. Slovakiya isə qrupda üçüncü oldu.
Qeyd edək ki, Slovakiya ilk oyununda Belçikaya 0:1 qalib gəlib, ikinci oyununda Ukraynaya 1:2 məğlub olub. Rumıniya isə ilk oyunda Ukraynaya 3:0 qalib gəlib, ikinci Belçikaya 2:0 məğlub olub.