İngiltərə geri dönüş edərək 1/4 finala yüksəldi
Dünən AVRO-2024-də 1/8 finala start verilib. Strateji.az saytının məlumatına görə, Helzenkirhen şəhərində "Aufşalke Arena"da AVRO-24-ün 1/8 final mərhələsi çərçivəsində İngiltərə və Slovakiya üz-üzə gəlib. Türkiyədən olan hakim Halil Umut Melerin idarə etdiyi görüşün 25-ci dəqiqəsində Slovakiya İvan Şransın qolu ilə hesabı açıb-İngiltərə-Slovakiya-0:1. İlk hissə Slovakiyanın 0:1 hesablı üstünlüyü ilə başa çatıb. Oyunun 90+5-ci dəqiqəsində Cud Bellingem İngiltərənin qoluna imza atıb-İngiltərə-Slovakiya-1:1. Oyunun əsas hissəsi tərəflərin hərəyə bir dəfə fərqlənməsi ilə başa çatıb-İngiltərə-Slovakiya-1:1. Oyunun 91-ci dəqiqəsində Harri Keyn İngiltərənin ikinci topuna imza ataraq İngiltərəni hesabda irəli çıxarıb-İngiltərə-Slovakiya-2:1. Oyunun ilk "Extra Time"ı İngiltərənin xeyrinə başa çatıb.-İngiltərə-Slovakiya-2:1. İkinci 15 dəqiqə də fərqlənən olmayıb və İngiltərə adını 1/4 finala yazdırıb.
Bu gün 1/8 finalın növbəti oyununda İspaniya və Gürcüstan üz-üzə gələcək.