"Zirə" növbəti qələbəsini qazandı-YENİLƏNİB-4
Azərbaycan Premyer Liqasının XXVII turu çərçivəsində keçirilən "Zirə"-"Kəpəz" oyunu başa çatdı. Gərgin keçən oyunda "Zirə" 2:1 qalıb qazandı
xxxx
Oyunun 90+4-cü dəqiqəsində "Kəpəz" Martins Juniorun qolu ilə hesab arasındakı fərqi azaltdı-"Zirə"-"Kəpəz"-2:1
xxxxx
Oyunun 77-ci dəqiqəsində Qismət Alıyev penaltidən "Zirə"nin ikinci topuna imza atdı-"Zirə"-"Kəpəz"-2:0
xxxxx
Oyunun dəqiqəsində "Zirə" qolu ilə hesabı açdı-"Zirə"-"Kəpəz"-1:0
Dünən futbol üzrə Azərbaycan Premyer Liqasında XXVII tura start verilib. PFL bu günə iki qarşılaşma təyin edib.
Günün ilk qarşılaşmasında "Zirə" "Tofiq Bəhramov adına Respublika Stadionu"nda qədim Gəncə təmsilçisi "Kəpəz"i qəbul edir. İki turdur qələbə üzünə həsrət qalan "mavi qartallar" bu turda azərkeşlərini sevindirmək və dünən məğlub olan "Səbail"i üstələmək istəyir. Üç turdu məğlub olmayan Nizami yurdunun təmsilçiləri də bu matçdan növbəti dəfə ən azı məğlub olmadan ayrılmaq istəyir.Hakim Kamal Umudlunun idarə etdiyi qarşılaşmada artıq oyunda ilk hissə arxada qaldı. İlk hissədən sonra tərəflərdən heç biri fərqlənə bilməyib-"Zirə"-"Kəpəz"-0:0
Günün ikinci qarşılaşmasında "Liv Bona Dea Arena" "Araz-Naxçıvan" "Qəbələ"ni qəbul edəcək. Muxtar Respublika təmsilçisi bu oyunda uğursuzluqlardan xilas olmağa çalışacaq. "Qəbələ" isə artıq yeni baş məşqçisinin rəhbərliyi altında ilk qələbəsini qazanmağa çalışacaq.
Turun digər görüşləri Bazar günü keçiriləcək.
Bazar günü ilk olaraq
"Turan Tovuz" "Tovuz Şəhər Stadionu"nda "Qarabağ"ı qəbul edəcək. Tovuzlular güclü rəqibindən ən azı doğma publika önünüdə bir xal almağı düşünəcək. Almaniya səfərindən yorğun qayıdan "köhlən atlar" isə səfərdə növbəti qələbəsini qazanmağı düşünəcək.
Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Sabah"ı qəbul edəcək. Gənclik şəhər təmsilçisi bu matçda qələbə qazanaraq ikinci pilləni qoruyub saxlamaq istəyir. "Bayquşlar" isə bu matçda qələbə qazanaraq II pilləyə yüksəlmək haqqında düşünəcək.
Qeyd etdiyimiz kimi Azərbaycan Premyer Liqasının XXVII turuna dünən start verilib. Açılış günündə bir qarşılaşma baş tutub.
Günün yeganə qarşılaşmasında "Neftçi" "Neftçi Arena"da "Səbail"i qəbul edib. Artıq oyunun 24-cü dəqiqəsində "Neftçi" "Səbail"in heyətindən Nir Bardeanın avtoqolu ilə hesabı açıb-"Neftçi"-"Səbail"-1:0.Oyunun 27-ci dəqiqəsində Azər Salahlı "Neftçi"nin ikinci topuna imza atıb-"Neftçi"-"Səbail"-2:0. İlk hissə "ağ-qaralar"ın 2:0 üstünlüyü ilə başa çatıb. Oyunun 85-ci dəqiqəsində Yeqor Beqomolski "Neftçi"nin üçüncü topuna imza atıb-"Neftçi"-"Səbail"-3:0. Bu matçda son qol olub və "Neftçi" 3 xalı 3 cavabsız qolla qazanıb-"Neftçi"-"Səbail"-3:0