"Liv Bona Dea Arena"da qalib müəyyənləşmədi-YENİLƏNİB-4
Azərbaycan Premyer Liqasının XXVII turu çərçivəsində keçirilən "Araz-Naxçıvan"-"Qəbələ" oyunu başa çatdı. Gərgin keçən matçda tərəflər hərəyə bir dəfə fərqlənməklə bir xala qane oldular-"Araz-Naxçıvan"-"Qəbələ"-1:1
xxxx
Oyunun 67-ci dəqiqəsində Osmama Xayala "Qəbələ"nin bərabərlik topuna imza atdı-"Araz-Naxçıvan"-"Qəbələ"-1:1.
xxxx
"Araz-Naxçıvan" azlıqda qaldı. Oyunun 59-cu dəqiqəsində Numan Kurdiç qırmızı vərəqə alaraq meydandan qovuldu-"Araz-Naxçıvan"-"Qəbələ"-1:0
xxxx
"Araz-Naxçıvan"-"Qəbələ" oyununda tərəflər fasiləyə yollandı. İlk hissədən sonra "Araz-Naxçıvan" 1:0 hesabda irəlidədir.
xxx
Dünən futbol üzrə Azərbaycan Premyer Liqasında XXVII tura start verilib. PFL bu günə iki qarşılaşma təyin edib.
Günün ikinci qarşılaşmasında "Liv Bona Dea Arena" "Araz-Naxçıvan" "Qəbələ"ni qəbul edir. Muxtar Respublika təmsilçisi bu oyunda uğursuzluqlardan xilas olmağa çalışır. "Qəbələ" isə artıq yeni baş məşqçisinin rəhbərliyi altında ilk qələbəsini qazanmağa çalışır. Hakim Elçin Məsiyevin idarə etdiyi qarşılaşmada artıq oyunun 42-ci dəqiqəsində "Araz-Naxçıvan" Numan Kurdiçinin qolu ilə hesabı açdı-"Araz-Naxçıvan"-"Qəbələ"-1:0
Bazar günü ilk olaraq
"Turan Tovuz" "Tovuz Şəhər Stadionu"nda "Qarabağ"ı qəbul edəcək. Tovuzlular güclü rəqibindən ən azı doğma publika önünüdə bir xal almağı düşünəcək. Almaniya səfərindən yorğun qayıdan "köhlən atlar" isə səfərdə növbəti qələbəsini qazanmağı düşünəcək.
Günün və turun sonuncu qarşılaşmasında gənclik şəhər təmsilçisi "Sumqayıt" "Mehdi Hüseyinzadə adına Sumqayıt Şəhər Stadionu"nda "Sabah"ı qəbul edəcək. Gənclik şəhər təmsilçisi bu matçda qələbə qazanaraq ikinci pilləni qoruyub saxlamaq istəyir. "Bayquşlar" isə bu matçda qələbə qazanaraq II pilləyə yüksəlmək haqqında düşünəcək.
Qeyd etdiyimiz kimi Azərbaycan Premyer Liqasının XXVII turuna dünən start verilib. Açılış günündə bir qarşılaşma baş tutub.
Günün yeganə qarşılaşmasında "Neftçi" "Neftçi Arena"da "Səbail"i qəbul edib. Artıq oyunun 24-cü dəqiqəsində "Neftçi" "Səbail"in heyətindən Nir Bardeanın avtoqolu ilə hesabı açıb-"Neftçi"-"Səbail"-1:0.Oyunun 27-ci dəqiqəsində Azər Salahlı "Neftçi"nin ikinci topuna imza atıb-"Neftçi"-"Səbail"-2:0. İlk hissə "ağ-qaralar"ın 2:0 üstünlüyü ilə başa çatıb. Oyunun 85-ci dəqiqəsində Yeqor Beqomolski "Neftçi"nin üçüncü topuna imza atıb-"Neftçi"-"Səbail"-3:0. Bu matçda son qol olub və "Neftçi" 3 xalı 3 cavabsız qolla qazanıb-"Neftçi"-"Səbail"-3:0.
Bu gün isə bir qarşılaşma baş tutub.
Günün ilk qarşılaşmasında "Zirə" "Tofiq Bəhramov adına Respublika Stadionu"nda qədim Gəncə təmsilçisi "Kəpəzi"i qəbul edib. Oyunun ilk hissəsi başladığ hesabla bitib-"Zirə"-"Kəpəz"-0:0. Oyunun 60 dəqiqəsində "Zirə" Salifu Sumanın qolu ilə hesabı açıb-"Zirə"-"Kəpəz"-1:0.Oyunun 77-ci dəqiqəsində Qismət Alıyev penaltidən "Zirə"nin ikinci topuna imza atıb-"Zirə"-"Kəpəz"-2:0.Oyunun 90+4-cü dəqiqəsində "Kəpəz" Martins Juniorun qolu ilə hesab arasındakı fərqi azaldıb-"Zirə"-"Kəpəz"-2:1. Bu oyunda vurulan son qol oldudu "Zirə" matşdan 2:1 qalib ayrıldı.