"Qarabağ" mövsümə qələbə ilə başladı-YENİLƏNİB-7

 Azərbaycan Premyer Liqasının I turu çərçivəsində keçirilən "Araz-Naxçıvan"-"Qarabağ" oyunu başa çatdı. Matçda "Qarabağ" 1:4 qələbə qazanaraq Premyer Liqada mövsümə qələbə ilə başladı.

xxxx

Oyunun 88-ci dəqiqəsində Abbas Hüseynov "Qarabağ"ın dördüncü topuna imza atdı-"Araz-Naxçıvan"-"Qarabağ"-1:4

xxxx

Oyunun 86-cı dəqiqəsində "Araz-Naxçıvan" Nuno Rodriqesin qolu ilə hesab arasındakı fərqi azaltdı-"Araz-Naxçıvan"-"Qarabağ"-1:3

xxxx

Oyunun 78-ci dəqiqəsində "Qarabağ" azlıqda qaldı. "Qarabağ"ın heyətindən Elvin Cəfərquliyev ikinci sarı vərəqəni alaraq meydandan qovuldu-"Araz-Naxçıvan"-"Qarabağ"-0:3

xxxx

Oyunun 47-ci dəqiqəsində Hamidu Keyta "Qarabağ"ın üçüncü topuna imza atdı-"Araz-Naxçıvan"-"Qarabağ"-0:3.

xxxx

"Araz-Naxçıvan"-"Qarabağ" oyununda tərəflər fasiləyə yollandı. İlk hissədən sonra "Qarabağ" 0:2 irəlidədir.

xxxxx

Oyunun 9-cu dəqiqəsində Riçard Almeda "Qarabağ"ın ikinci topuna imza atdı-"Araz-Naxçıvan"-"Qarabağ"-0:2.

xxxxx 

Bu gün futbol üzrə Azərbaycan Premyer Liqasında 2024/2025 mövsümünə start verilib. PFL mövsümün və I turun açılış oyununa bir qarşılaşma təyin edib. "Liv Bona Dea Arena" "Araz-Naxçıvan" "Qarabağ"ı qəbul edir. Muxtar Respublika təmsilçisi ilk oyunda məğlub olmamaq haqqında düşür. "Köhlən Atlar" isə mövsümə qələbə ilə başlamaq istəyir.  Hakim Elçin Məsiyevin idarə etdiyi qarşılaşmada artıq oyunun 7-ci dəqiqəsində "Qarabağ" Redon Cicanın qolu ilə hesabı açdı-"Araz-Naxçıvan"-"Qarabağ"-0:1. 

Turun digər görüşləri isə sabah və bazar günü keçiriləcək.

Sabah ilk olaraq "Neftçi" "Neftçi Arena"da "Turan Tovuz"u qəbul edəcək. Keçən mövsüm azərkeşlərinə son turda soyuq duş abu-havası yaşadan "ağ-qaralar" ilk turda yeni baş məşqçisi ilə iddialı olduğunu sübut etmək üçün mövsümə qələbə ilə başlamaq istəyir. Tovuzlular da tanınmış məşqçi Berdiyevin rəhbərliyi ilə ilk oyunda qələbəyə sevinmək istəyir.

Günün ikinci oyununda Avrokuboklarla vidalaşan gənclik şəhər təmsilçisi "Sumqayıt" "Mehdi Hüseynzadə adına Sumqayıt şəhər stadionu"nda qədim Gəncə təmsilçisi "Kəpəz"i qəbul edəcək. "Sumqayıt"  avrokuboklardakı  uğursuzluğu unutdurmaq üçün bu oyundan üç xalla ayrılmağı düşünür. Nizami yurdunun təmsilçiləri də ilk oyunda məğlub olmamaq haqqında düşünəcək.

Turun digər görüşləri bazar günü keçiriləcək.

Bazar günü ilk olaraq Avrokuboklarda inamla yoluna davam edən "Sabah" "Bank Respublika Arena"da yenidən Premyer Liqaya qayıdan "Şamaxı"nı sınağa çəkəcək. "Bayquşlar" növbəti Avrokubok oyunu ərəfəsində özünü çox yormadan üç xalı qazanmağı düşünür. "Şaxmaxı" isə bir illik fasilədən sonra çıxacağı ilk Premyer Liqa oyununda məğlub olmamaq haqqında düşünəcək.

Turun və günün sonuncu qarşılaşamasında "Zirə İdman Kompleksinin Stadionu"nda "Zirə" "Səbail"i qəbul edəcək. UEFA Avropa Liqasında mübarizəni dayandıran "mavi qartallar" UEFA Konfrans Liqası ərəfəsində ölkə çempionatına da üç xalla başlamağı hədəfləyib. "Dənizçilər" isə ilk tura məğlub başlamamaq üçün əllərindən gələni edəcək.