"Sumqayıt" mövsümə qələbə ilə başladı-YENİLƏNİB-3

 Azərbaycan Premyer Liqasının I turu çərçivəsində keçirilən "Sumqayıt"-"Kəpəz" oyunu başa çatdı. Gərgin keçən oyun 2:0 "Sumayıt"ın xeyrinə başa çatdı.

xxxx

Oyunun 71-ci dəqiqəsində Rəhim Sadıxov "Sumqayıt"ın ikinci topuna imza atdı-"Sumqayıt"-"Kəpəz"-2:0.

xxxx

"Sumqayıt"-"Kəpəz" oyununda tərəflər fasiləyə yollandı. İlk hissədən sonra "Sumqayıt" 1:0 hesabda irəlidədir.

xxxxx

Dünən futbol üzrə Azərbaycan Premyer Liqasında 2024/2025-ci il mövsümünə start verilib. PFL bu günə iki qarşılaşma təyin edib.

Günün ikinci oyununda Avrokuboklarla vidalaşan gənclik şəhər təmsilçisi "Sumqayıt" "Mehdi Hüseynzadə adına Sumqayıt şəhər stadionu"nda qədim Gəncə təmsilçisi "Kəpəz"i qəbul edir. "Sumqayıt"  avrokuboklardakı  uğursuzluğu unutdurmaq üçün bu oyundan üç xalla ayrılmağı düşünür. Nizami yurdunun təmsilçiləri də ilk oyunda məğlub olmamaq haqqında düşünür. Hakim Kamal Umudlunun idarə  etdiyi qarşılaşmada artıq  oyunun 14-cü dəqiqəsində "Sumqayıt" Səbuhi Abdullazadənin qolu ilə hesabı açdı-"Sumqayıt"-"Kəpəz"-1:0

Turun digər görüşləri bazar günü keçiriləcək.

Bazar günü ilk olaraq Avrokuboklarda inamla yoluna davam edən "Sabah" "Bank Respublika Arena"da yenidən Premyer Liqaya qayıdan "Şamaxı"nı sınağa çəkəcək. "Bayquşlar" növbəti Avrokubok oyunu ərəfəsində özünü çox yormadan üç xalı qazanmağı düşünür. "Şaxmaxı" isə bir illik fasilədən sonra çıxacağı ilk Premyer Liqa oyununda məğlub olmamaq haqqında düşünəcək.

Turun və günün sonuncu qarşılaşamasında "Zirə İdman Kompleksinin Stadionu"nda "Zirə" "Səbail"i qəbul edəcək. UEFA Avropa Liqasında mübarizəni dayandıran "mavi qartallar" UEFA Konfrans Liqası ərəfəsində ölkə çempionatına da üç xalla başlamağı hədəfləyib. "Dənizçilər" isə ilk tura məğlub başlamamaq üçün əllərindən gələni edəcək.

Qeyd Azərbaycan Premyer Liqasında 2024/2025 mövsümünə dünən start verilib. Mövsümün açlış gününə bir qarşılaşma təyin edilib.

I turun açılış qarşılaşmasında  "Liv Bona Dea Arena" "Araz-Naxçıvan" "Qarabağ"ı qəbul edib.Artıq oyunun 7-ci dəqiqəsində "Qarabağ" Redon Cicanın qolu ilə hesabı açıb-"Araz-Naxçıvan"-"Qarabağ"-0:1.  Oyunun 9-cu dəqiqəsində Riçard Almeda "Qarabağ"ın ikinci topuna imza atıb-"Araz-Naxçıvan"-"Qarabağ"-0:2. İlk hissə "Qarabağ"ın 0:2 hesablı üstünlüyü ilə başa çatıb. Oyunun 47-ci dəqiqəsində Hamidu Keyta "Qarabağ"ın üçüncü topuna imza atıb-"Araz-Naxçıvan"-"Qarabağ"-0:3.Oyunun 78-ci dəqiqəsində "Qarabağ" azlıqda qalıb. "Qarabağ"ın heyətindən Elvin Cəfərquliyev ikinci sarı vərəqəni alaraq meydandan qovulub-"Araz-Naxçıvan"-"Qarabağ"-0:3.Oyunun 86-cı dəqiqəsində "Araz-Naxçıvan" Nuno Rodriqesin qolu ilə hesab arasındakı fərqi azaldıb-"Araz-Naxçıvan"-"Qarabağ"-1:3.Oyunun 88-ci dəqiqəsində Abbas Hüseynov "Qarabağ"ın dördüncü topuna imza atıb-"Araz-Naxçıvan"-"Qarabağ"-1:4. Bu oyunda vurulan son qol oldu və "Qarabağ" mövsümə qələbə ilə başladı.

Bu gün bir qarşılaşma baş tutub. Bu görüşdən əvvəl "Neftçi" "Neftçi Arena"da "Turan Tovuz"u qəbul edib. Oyunun ilk hissəsi başladığı hesabla bitdi-"Neftçi"-"Turan Tovuz"-0:0. Oyunun ikinci hissəsində də qol olmadı və matç başladığı hesabla bitti-"Neftçi"-"Sumqayıt"-0:0.