Paris-2024: Həsrət Cəfərov bürünc medal qazanıb

 Azərbaycan yığmasının daha bir güləşçisi xalçaya çıxıb. Həsrət Cəfərovun uğuru sayəsində “klassiklər”imiz Paris-2024-ü 1 medalla başa vurublar.
Yunan-Roma güləşi
67 kq
Həsrət Cəfərov Olimpiadada son görüşünə çıxıb. O, bürünc medal uğrunda qarşılaşmada Amantur İsmayılovla (Qırğızıstan) güləşib. İdmançımızın rəqibinə tam üstünlüklə qalib gəlib - 8:0. Bununla da Cəfərov Olimpiadanı bürünc medalla bitirib.
Qeyd edək ki, yunan-Roma güləşi millimiz Fransa paytaxtına 5 idmançı ilə yollanıb. Onlardan dördü çıxışını medalsız başa vurub.