Riçarlison Transferlə bağlı açıqlama verib

 İngiltərənin "Tottenhem" klubunun futbolçusu Riçarlisonun adı Səudiyyə Ərəbistanın klubları ilə hallanır. Strateji.az "sporx" saytına istinadən xəbər verir ki, futbolçu yayılan xəbərlərə aydınlıq gətirib.

"Bəli Səudiyyə Ərəbistanının klublarından təklif gəldi. Ancaq mənim xəyalım İngiltərə və ya Brazilyada oynamaqdır. Bəli! Böyük məbləğ təklif etdilər. Ancaq xəyallarım daha böyükdür"-deyə brazilyalı futbolçu bildirib.

Qeyd edək ki, 27 yaşlı hücumçu keçən mövsüm "Tottenhem"in heyətində 31 oyunda 12 qol və 4 məhsuldar ötürmə ilə yadda qalıb.

//Məleykə Bayramova, Strateji.az