"Araz-Naxçıvan" mövsümdə ilk qələbəsini qazandı-YENİLƏNİB-2

 Azərbaycan Premyer Liqasının II turu çərçivəsində keçirilən "Araz-Naxçıvan"-"Şamaxı" oyunu başa çatdı. Gərgin keçən görüşdə "Araz-Naxçıvan" 1:0 qalib gələrək mövsümdəki ilk qələbəsini əldə etdi.

xxxx

Oyunun 59-cu dəqiqəsində "Araz-Naxçıvan" Roman Maçadounun  qolu ilə hesabı açdı-"Araz-Naxçıvan"-"Şamaxı"-1:0

xxxxx

Dünən futbol üzrə Azərbaycan Premyer Liqasının II tura start verilib. PFL bu günə iki qarşılaşma təyin edib. 

Günün açlış "Araz-Naxçıvan" "Liv Bona Dea Arena"da "Şamaxını" qəbul edir. İlk turda darmadağın olan Muxtar Respublika təmsilçisi ikinci turda ilk qələbəsini qazanmaq istəyir. Premyer Liqaya dönüşünü bir xalla qeyd edən "Şamaxı"da bu oyunda qələbə arzusundadır. Hakim Fərid Hacıyevin idarə etdiyi qarşılaşmada artıq oyunda ilk hissə arxada qaldı. İlk hissədən sonra tərəflərdən heç biri fərqlənə bilməyib-"Araz-Naxçıvan"-"Şamaxı"-0:0

Günün ikinci qarşılaşmasında "Səbail" "ASCO Arena"da "Neftçi"ni qəbul edəcək. "Dənizçilər" doğma meydanda üç xalını qazanmaq üçün meydana çıxacaq. İlk oyunda qələbə qazana bilməyən "ağ-qaralar" Qriqarçukun rəhbərliyi ilə bu mövsüm ilk qələbələrini qazanmaq istəyir.

Turun digər Bazar günü keçiriləcək.

Bazar günü ilk olaraq "Turan Tovuz" "Tovuz Şəhər Stadionu"nda gənclik şəhər təmsiçisi "Sumqayıt"ı qəbul edəcək. İlk oyununda bir xala qane olan tovuzlular ikinci oyunda Berdiyevin rəhbərliyi ilə bu mövsüm ilk qələbələrini qazanmaq istəyir.

Günün və turun sonuncu qarşlaşmasında isə Avrokuboklardakı təmsilçilərimiz "Bank Respublika Stadionu"nda "Sabah" və "Zirə" üz-üzə gələcək. Səfərdə məğlub olan "bayquşlar" bu görüşdə qalib gəlməyi hədəfləyir. Səfərdən heç-heçə ilə dönən "mavi-qartallar" isə bu görüşdə də üç xalı hədəfləyir. Hər iki komandanın diqqəti Avrokuboklarda olduğundan hər iki komanda bu oyunda çox güc sərf etməməyə cəhd göstərəcək.

Qeyd edək ki, futbol üzrə Azərbaycan Premyer Liqasının II turuna dünən strart verilib. Açılış oyununda "Qarabağ" "Azərsun Arena"da qədim Gəncə təmsilçisi "Kəpəz"i qəbul edib.  Oyunun ilk hissəsi başladığı hesabla bitib-"Qarabağ"-"Kəpəz"-0:0. Oyunun 48-ci  dəqiqəsində "Qarabağ" Riçard Almeydanln qolu ilə hesabı açıb-"Qarabağ"-"Kəpəz"-1:0. Oyunun 72-ci dəqiqəsində Abdullah Zubir "Qarabağ"ın ikinci topuna imza atıb-"Qarabağ"-"Kəpəz"-2:0. Oyunun 78-ci dəqiqəsində "Kəpəz" daha bir zərbə aldı.  "Kəpəz"in heyətində Elmar Tağızadə ikinci sarı vərəqəni alaraq meydandan qovulub-"Qarabağ"-"Kəpəz"-2:0. Oyunun 84-cü dəqiqəsində Olivio Juninyo "Qarabağ"ın üçüncü topuna imza atıb -"Qarabağ"-"Kəpəz"-3:0. Bu oyunda vurulan son qol olub və "Qarabağ" üç xalı üç cavabsız qol vuraraq qazanıb.