"Yuventus"dan Kənan Yıldız qərarı
İtaliyanın "Yuventus" klubu Türkiyə milli komandasını 19 yaşlı futbolçusu Kənən Yıldızla bağlı qərar verib. Strateji.az "sporx" saytına istinadən xəbər verir ki, klubun qərarına əsasən 10 nömrəli forma bundan sonra Kənan Yıldıza məxsus olacaq.
Xatırladaq ki, bu forma bundan əvvəl dopinq testindən keçə bilməyən və cəzalandırılan Paul Poqbaya məxsus olub.
Qeyd edək ki, Yıldız "qoca sinyora"nın heyətində 32 oyunda 4 dəfə fərqlənib. O bu il AVRO-2024-də Türkiyə yığmasının heyətində yer alsa da fərqlənə bilməyib.
//Nəzərbəy Hacıağayev, Strateji.az