Federiko Koppitelli: "Komandamız bu gün zəif oynadı” - MÜSAHİBƏ

 “Zirə” çox yaxşı komandadır".

İdman.biz xəbər verir ki, bunu "Osiyek" (Xorvatiya) komandasının baş məşqçisi Federiko Koppitelli deyib.

İtaliyalı mütəxəssis Konfrans Liqasının III təsnifat mərhələsində penaltilər seriyasında "Zirə"yə məğlubiyyəti şərh edib: “Onlar bu turnirə Avropa Liqasından gəlmişdilər. Birinci səbəb budur. Ona görə rəqib mərhələ keçdi. İlk oyunun son dəqiqələrində buraxdığımız qol mövzudan kənar idi. Komandamız bu gün zəif oynadı. Yenə də qələbə hesabını qoruya bilmədik. 2:1 öndə olarkən buraxılan qol komandaya zərbə oldu”.

- Dünən penaltilər seriyasına və əlavə vaxta hazır olduğunuzu qeyd etdiniz. Amma bu gün penaltilərdə yalnız bir qola imza atdınız. Bu barədə nə deyərdiniz?

- Nə deyim, bilmirəm. Bizim bəxtimiz gətirmədi. Zədəlilərimiz var idi. Transfer pəncərəsi zamanı lazımi oyunçuları ala bilmədik.

- ⁠Azərbaycan klubuna məğlub olduğunuz üçün Xorvatiya mətbuatında tənqidlərə məruz qalmayacaqsınız?

- ⁠Rəqiblərimizi məkanına görə müqayisə etmək istəməzdim. "Zirə" çox yaxşı klubdur və yaxşı nəticə əldə etdi.

- ⁠Müdafiədən hücuma keçməyə çətinlik çəkirdiniz. Bunun səbəbkarı “Zirə” idi?

- ⁠Bizdə əsasən çıxış edən 15-16 oyunçu var idi. Hər bir oyunçuma təşəkkür edirəm. Yarımmüdafiəçimiz mərkəz müdafiəçisi kimi çıxış etdi. Bazar günü “Zirə”nin oyununu izləmişdim başqa heyətlə çıxış edirdi. Biz isə eyni heyətlə çıxış etdik. Sadəcə yorğun idik. Səfər matçı idi. Meydanın vəziyyəti hücumlu oyuna imkan vermədi.

- ⁠Bu oyundakı məğlubiyyətin səbəbi hakimin qərarları ola bilər? Çünki tez-tez onun qərarlarına etiraz bildirirdiniz?

- ⁠Bu məğlubiyyət səbəbi deyildi. O öz işini görməyə gəlmişdi. Onun eyni epizodları fərqli şəkildə qarşılamasına mənə çətinlik yaradırdı. Amma bu səbəb deyil.