Makronun Ukrayna ilə bağlı çıxışı reyntinqinə mənfi təsir edib
Fransa Prezidenti Emanuel Makronun Rusiya ilə müharibə aparan Ukrayanaya hərbi dəstək verməsi ilə bağlı açıqlama dünya gündəmini zəbt etmişdi. Strateji.az "CNN Türk"ə istinadən xəbər verir ki, Makron NATO qüvvələrinin Ukraynaya yerləşdirilməsinin və Rusiya ilə münaqişəyə cəlb edilməsinin mümkün olduğunu bildirmişdi.
Bu günlərdə isə Makronun siyasəti ilə bağlı Fransa vətəndaşları arasında sorğu keçirilib. Sorğunun nəticəsinə əsasən Fransanın vətəndaşları ölkə Preizdentinin xarici siyasətindən narazı olduqlarını bildirib. Sorğuda iştirak edənlərin 72% Fransa Prezidentini yenidən ölkənin rəhbər postunda görmək istəmədiklərini bildirib. Sorğuda iştirak edənlərin sadəcə 28% Prezidentdən razı olduqlarını bildirib.
Sorğu zamanı vətəndaşlar heç ölkənin baş nazirindən də razı qalmayıb. Vətəndaşların 55 % ölkə baş nazirindən narazı olduğu halda 45 % onun siyasətini bəyəndiyini deyib.
//Aytən Əsgərova, Strateji.az