“Qarabağ” 1500 manat cərimələndi

 AFFA-nın İntizam Komitəsinin iclası keçirilib.

Strateji.az İdman.Biz-ə istinadən bildirir ki, yığıncaqda Azərbaycan Premyer Liqasının XXVII turunda baş verənlərlə bağlı qərarlar çıxarılıb.

"Qəbələ" ilə oyunun 59-cu dəqiqəsində birbaşa qırmızı vərəqə alan "Araz-Naxçıvan"ın futbolçusu Numan Kurdiç 1 matçlıq cəzalanıb. Klub 800 manat cərimələnib.

"Turan Tovuz" - "Qarabağ" matçı bitdikdən sonra tunel, texniki zona və miks zonaya "A buraxılışı" vəsiqəsi olmayan şəxslər buraxıldığına görə meydan sahibləri 500 manat cərimə edilib. Qarşılaşmanın 6-cı dəqiqəsində "Qarabağ"ın azarkeşləri pirotexniki vasitədən istifadə etdiyinə görə Ağdam təmsilçisi 1500 manat cərimələnib.

"Sumqayıt" - "Sabah" matçında meydan sahiblərinin 4 futbolçusu sarı vərəqə aldığına görə klub 700 manat ödəməli olacaq.