"Səbail" ilk qələbəsini böyük hesabla qazandı-YENİLƏNİB-5

 Azərbaycan Premyer Liqasının IV turu çərçivəsində keçirilən "Səbail"-"Kəpəz" oyunu başa çatdı. Matç 4:0 "Səbail"in xeyrinə başa çatdı. 
xxxx
Oyunun 54-cü dəqiqəsində Süleyman Alluş "Səbail"in dördüncü topuna imza atdı-"Səbail"-"Kəpəz"-4:0
xxxx
Oyunun 50-ci dəqiqəsində Ayman Bouali "Səbail"in üçüncü topuna imza atdı-"Səbail"-"Kəpəz"-3:0.
xxxx
"Səbail"-"Kəpəz" oyununda tərəflər fasiləyə yollandı.İlk hissədən sonra "Səbail" 2:0 hesabda irəlidədir.
xxx
Oyunun 34-cü dəqiqəsində Gitay Sofir "Səbail" in ikinci topuna imza atdı-"Səbail"-"Kəpəz"-2:0
xxxx
Bu gün futbol üzrə Azərbaycan Premyer Liqasında  IV tura start verilib. PFL bu günə bir qarşılaşma təyin edib. Gününün yagane qarşılaşmasında "Səbail" "ASCO Arena"da qədim Gəncə təmsilçisi "Kəpəz"i qəbul edir. "Dənizçilər" artıq mövsümdə ilk qələbələrini qazanmağa cəhd göstərir. Mövsüm başlayandan qol üzünə həsrət  Nizami yurdunun təmsilçiləri isə bu oyunda əz azı bir xal qazanmağı hədəfləyir. Hakim Rauf Allahverdiyevin idarə etdiyi qarşılaşmada artıq oyunun 12-ci dəqiqəsində "Səbail" Fərid Nəbiyevin qolu ilə hesabı açdı-"Səbail"-"Kəpəz"-1:0.

Turun digər görüşləri sabah və bazar günü keçiriləcək. 
PFL şənbə gününə iki qarşılaşma təyin edib.
Günün ilk qarşılaşmasında "Qarabağ" "Azərsun Arena"da "Turan Tovuz"u qəbul edəcək. Zaqreb səfərindən ağır məğlubiyyətlə dönən "köhlən atlar" güclərini çox sərf etmədən növbəti matça hazırlaşmaq üçün bu oyundan mütləq qələbə ilə ayrılmağı hədəfləyib. Tovuzlular isə diqqəti Avrokobuklarda olan rəqibindən əz azı bir xal almağı planlaşdırıb.
Günün ikinci qarşılaşmasında "Araz-Naxçıvan" "Liv Bona Dea Arena"da "Neftçi"ni qəbul edəcək. Mövsüm başyalandan qələbə üzünə həsrət "Ağ-qaralar" bu matçda üç xalı qazanmağı hədəfləyəcəklər. Muxtar Respublika təmsilçisi isə bu oyunda ən azından məğlub olmamaq haqqında düşünəcək.
Turun digər görüşlər Bazar günü keçiriləcək.
Bazar günü ilk olaraq "Sabah" "Bank Respublika Arena"da gənclik şəhər təmsilçisi "Sumqayıt"ı qəbul edəcək."Bayquşlar" matça növbəti qələbələrini qazanmaq üçün çıxacaq. "Kimyaçılar"da meydana qələbə üçün çıxacaq.
Günün və turun sonuncu qarşılaşmasında isə "Zirə" "Zirə İdman Kompleksinin Stadionu"nda "Şamaxı"nı qəbul edəcək. Avrokuboklarda darmadağınla üzləşən, əli pley-off-dan üzülən "Zirə" bu oyunda qələbə qazanaraq azərkeşlərini sevindirmək istəyir. "Şamaxı"da çətin oyundan dönən "Zirə"dən əz azı bir xal almağı hədəfləyir.