Avropa Cüdo İttifaqı: “Nizami titulunu qorumağa çalışacaq”

 Avropa Cüdo İttifaqı (EJU) sentyabrın 5-8-də Estoniyanın paytaxtı Tallində keçiriləcək yeniyetmələr arasında Avropa çempionatında yüksək yerlərə əsas iddiaçıları müəyyən edib.

İdman.biz xəbər verir ki, qurum yeniyetmələr arasında Avropa çempionu olan Azərbaycan idmançısı Nizami İmranovu (60 kq) da fərqləndirib.

İmranovun yeniyetmələr arasında hazırkı Avropa çempionu və dünya çempionatının gümüş mükafatçısı olduğu bildirilir: “Nizami 60 kq çəki dərəcəsində titulunu qoruyub saxlamağa çalışacaq. Bununla belə, o, 2022-ci ilin Avropa çempionu Xaveri İqnasiak (Polşa) və bu ilin iyulunda kadetlər arasında Avropa birincisi olmuş İtzhak Aşpiz (İsrail) kimi güclü rəqiblərlə qarşılaşa bilər”.