Xırdalandakı “5+” Tədris və İnkişaf Mərkəzində Novruz bayramı qeyd olunub-FOTOLAR

 Xırdalandakı “5+” Tədris və İnkişaf Mərkəzində Novruz bayramı qeyd olunub.

Mərkəzin rəhbəri Nənəxanım Əliyeva uşaqları bayram münasibətilə təbrik edib. 
Bildirib ki, Novruz bayramı milli-mənəvi dəyərlərimizin və yüksək bəşəri ideyaların daşıyıcısı, qədim adət-ənənələrimizin əbədi təcəssümü kimi neçə əsrdir xalqımızın həyatında mühüm yer tutur. Hər il beynəlxalq səviyyədə qeyd olunan bu bayram müstəqilliyimizin, milli dəyərlərə hörmət və ehtiramımızın göstəricisidir.

N.Əliyeva ölkəmizə əmin-amanlıq, xalqımıza bahar təravətli günlər, süfrələrə ruzi-bərəkət arzulayıb.
Mərkəz bayram tədbiri üçün xalq adət və ənənələrindən istifadə olunmaqla oyun və müsabiqələrdən ibarət əyləncəli proqram hazırlayıb. Novruzun əsas atributları Kosa ilə Keçəl öz duzlu-məzəli zarafatları ilə şənlik iştirakçılarında ruh yüksəkliyi yaradıb.
Tədbir çərçivəsində balacalar yallı gedib, rəqs edib, müxtəlif dillərdə şeirlər deyib, mahnılar oxuyublar.