"Qalatasaray"dan möhtəşəm həmlə: Kasemiro
Türkiyənin İstanbul klubu heyətini yeni bir ulduz futbolçu ilə gücləndirmək istəyir. Strateji.az "sporx" saytına istinadən xəbər verir ki, İstanbul nəhəngi İngiltərənin "Mançester Yunayted" klubunda forma geyinən Kasemironu heyətinə qatmaq istəyir.
Onu bir illik icarəyə götürmək üçün "qırmızı şeytanlar"ın təmsilçisi ilə danışıqlar başlanılıb.
Qeyd edək ki, 20 milyon avro dəyəri olan 32 yaşlı Kazemiro bu mövsüm klubun heyətində fərqlənməyə nail olmayıb. O karyerası boyunca Brazilyanın "San Paoulo", Portuqaliyanın "Portu", "Real Madrid" və "Mançester Yunayted" klublarında forma geyinib. Kasemiro karyerası ərazində 5 dəfə UEFA Çempionlar Liqasında, 1 dəfə Kopa Amerikada, 3 dəfə FİFA Klublar arası Dünya Çempionatında, 3 dəfə İspaniya La Liqasının, 3 dəfə UEFA Super Kubokunun 1 dəfə İspaniya Kubokunun, 3 dəfə İspaniya Super Kubokunun, 1 dəfə İngiltərə Liqa Kubokunun, 1 dəfə isə U20 Dünya Çempionatının çempionluğunu yaşamağa nail olub.
//Nəzərbəy Hacıağayev Strateji.az