Slovakiyada Azərbaycan himnini oxuyan Manafzadə kimdir?

 Millətlər Liqasının C Liqasının I qrupunun II turu çərçivəsində baş tutan Slovakiya - Azərbaycan matçından öncə ev sahibləri jest edərək, Azərbaycan Respublikası himnini canlı ifa ilə səsləndirib. 

Strateji.az offsideplus.az-a istinadən xəbər verir ki, himnimizi oxuyan qadın Karen Danqe Manafzadədir.

O, pianoçu, bəstəkar, dirijor, beynəlxalq müsabiqələr laureatı Abuzər Manafzadənin həyat yoldaşıdır. Cütlük 2019-cu ildə Avstriyada ailə həyatı qurub. 

Qeyd edək ki, A.Manafzadə Azərbaycanın əməkdar artisti, Bakı Musiqi Akademiyasının dosenti İslam Manafovun oğludur.